薛凱琪閃三角 阿澤發炮
薛凱琪（Fiona）前晚在紅館舉行首個處女演唱會，身材平平無奇的她選擇騷長腿兼露閃爆三角褲，在觀眾席的杜汶澤化身「龍友」，手執「大炮」為她影靚相。
Fiona為首場的「Filicious Fiona in concert 2012」施展渾身解數，開騷即勁歌熱舞15分鐘High爆全場，又出動兩位緋聞男友房祖名和方大同，與她分享紅館的「第一次」，好友杜汶澤更出動大炮長鏡頭為Fiona拍下最精彩一刻。
騷8年唱功的Fiona特別向難度挑戰，演繹哥哥的《追》和王菲的《Miss You Night and Day》，更唱了一首經典國語歌，她謂：「無論開幾細或幾大嘅音樂會，我都會揀哥哥嘅歌嚟唱，今晚就揀唱咗首《追》，而以下唱嘅一首歌，係我曾經幻想如果有日喺紅館開騷，一定會唱佢……《千言萬語》。」唱畢即贏得台下掌聲。
數次落淚
多次忍不住落淚的Fiona唱完《XBF》後，亦含淚說心聲：「呢個Concert嚟得唔容易，冇諗過第一次開紅館會咁多人支持我，好多謝你哋！我好鍾意拍戲，好鍾意唱歌，我不嬲話唱歌真係冇得呃，真係要練，好多謝你哋，因為你哋都唔知我會唱成點，都嚟買飛睇我演唱會。」接着唱出《給十年後的我》又唱到淚流滿面。
至於整晚的造型，一向唔sell上圍的Fiona專攻「短打騷長腿」，由開場的白色短裙、藍色露背紗裙、毛公仔娃娃裙都展示其一雙「筷子腳」，而最煞食的是安哥出場的芭蕾舞裙，大膽露出閃閃三角褲。而方大同完成嘉賓演出後，即變回觀眾到台前捧場，又在後台孖祖名及Fiona合照。
文：音樂組