連詩雅落水趁熱泰享受

炎炎夏日，大家總會希望穿上三點式，到沙灘享受陽光與海灘。歌手連詩雅及郭秀雲分別希望到泰國、東南亞等地，過一個熱辣辣的暑假。相反，模特兒鍾浠文卻大唱反調，希望可以滑雪，消除夏天的悶熱。

連詩雅：「我想去泰國享受陽光與海灘，可以曬太陽同玩水，同埋我鍾意健康膚色，想曬到古銅色。」

鍾浠文：「夏天我反而想避暑，最好去啲有得滑雪嘅地方。我覺得識滑雪同玩滑雪板嘅人好型，之前試過挑戰滑雪，着齊全身裝備，可惜睇得唔打得，成日都仆親。」

何紫綸：「首選北海道，因為個城市好靚、好乾淨，又可以浸溫泉。另外埃及都好，喺嗰度影結婚相好靚、好型。」

貝安琪：「我會推薦柬埔寨，之前拍戲去過，覺得好靚，一定要去睇吓，個feel好正，其實好多當地人好窮困，我哋可以去探訪吓啲小朋友，正面睇，去完就會感受到自己有幾幸福。」

蔡穎恩：「我鍾意沖繩，我覺得嗰度好靚好舒服，我又未去過，同埋好鍾意食佢哋嘅料理；第二個選擇就係台灣，我鍾意東區嘅咖啡店，入去坐吓可以消磨一個下午，我覺得夏天同冬天好唔同，要懶洋洋先似夏天！」

蔡穎恩	郭秀雲	張暖雅
王秀琳

郭秀雲：「我自己就鍾意陽光同海灘，其實東南亞都有好多地方啲水都好清，例如印尼、馬來西亞同菲律賓，我覺得放假接觸大自然係幾好o架！」

張暖雅：「我會想去馬爾代夫，放假當然以relax為主，嗰度又唔會好多人，同埋我自己又鍾意曬太陽游水，雖然我好容易曬黑！」

王秀琳：「我覺得新加坡幾好呀，嗰度啲人幾relax，冇香港咁大壓力，啲嘢食又好味，治安又好，係一個安全又寫意嘅地方！」

連詩雅落水趁熱 泰享受