宣萱寸無線：係咁老土o架啦
効力無綫廿七年的前花旦宣萱，近期主攻內地市場搵人仔。之前已炮轟無綫工時長達18小時的她，昨日出席無綫劇宣傳活動時，再寸無綫劇集千篇一律兼劇情老土，不過仍歡迎無綫落實拍攝續集時斟洽她演出。
宣萱、王浩信、陳自瑤、梁烈唯等昨出席無綫電視劇《飛虎》宣傳。談到新劇收視高企，兼盛傳她在劇中最後會死，宣萱即乘勢寸無綫劇情老土：「咁快講，講咗唔好睇，不過就算死咗，到時可能會係孖生姐妹咁出現番，係咁老土o架啦！」談及有網民指她經常在電視劇中被綁架，宣萱再笑笑口暗寸無綫千篇一律：「其實我諗TVB啲劇好多都係咁，警匪片都走唔甩呢啲戲，要劇情緊湊，又要出得街嘅，好多嘢都有規限，所以嚟嚟去去都係咁，我諗其實唔只我，好多藝人都被綁架過。」
問到是否因她和馬德鐘已離開無綫，故《飛》劇才不被安排在黃金時段播出，宣萱否認：「其實一開始都知係新時段，想好似美國劇集咁，但係我都知觀眾追得好辛苦，一個星期先得一集，我自己都一到星期日就睇錶，睇下幾時先到十點！」她又指《飛》是在無綫拍攝的最後一套劇，能得到高收視很安慰；對於盛傳會拍續集或電影版，宣萱表示自己少拍電影，但會考慮拍續集，並歡迎無綫找她斟洽。
陳自瑤咀壽星老公
此外，由於昨日適逢王浩信廿九歲生日，老婆陳自瑤主動大送香吻之餘，更透露會撇低囡囡二人世界慶祝，又謂準備了禮物給老公，甜蜜到爆，可惜王浩信聞言卻「反高潮」謂：「都話唔好送禮物，留番啲錢快啲買樓上車！」盡顯顧家踏實一面。
文：影視組