宋熙年上位 飛去做主持

近年無綫親自培育不少主持人才，宋熙年自2007年卸任即加入無綫，坦言珍惜公司給予機會。今年六月中擔任公司重頭劇主持，她坦言非常興奮：「今次係我第一次搭飛機出去做主持，全程都用普通話，真係好大挑戰！」

做live學執生

面對近期主持界人才輩出，她表示曾有擔心過，她坦言：「每個人都有唔同定位，我覺得自己可以有唔同嘅一面，做旅遊節目可以好放，做主持又可以好斯文，暫時都想試多啲嘢，發掘自己唔同嘅一面！」

宋熙年自華姐卸任後加入無綫，一直擔任主持工作。

宋熙年與陳智燊因主持節目而傳出緋聞。

現時Sarah擔任《東張西望》主持，吸納不少觀眾的她，問到會否以台慶司儀為目標？她說：「咁就一定有諗過嘅，不過我年資仲好新，你如果依家畀我做真係會驚。我喺《東張》都係現場主持嚟，有好多臨場執生經驗，所以都希望可以由慈善節目做起，再儲多啲經驗先去再諗做台慶。」

唔想傳緋聞

Sarah因與陳智燊主持明珠台節目而傳出緋聞，雖然自爆恨拍拖，但她表示要找到真命天子才會公開，她寧願零緋聞都好過有緋聞，她說：「我想人哋會喺我工作上認識到宋熙年，而唔係因為感情事而認識我。我入咗行唔係好耐，依家我只係想努力工作，做好本分就足夠啦！」

文：專案組

攝：劉智源

場地：麵創坊

髮型：Ted Yeung @ ii hair & nail

化妝：SAMMY Lam @ Zeal.Image

鞋：Dyos