莫鎮賢開騷悼念梅姐

歌手莫鎮賢（Kan）將於7月18日在荃灣大會堂舉行演唱會。他在2010年曾開演唱會，雖然反應不俗，但卻「蝕本」，不過該次開騷獲得不少投資老闆賞識，所以今次演唱會不用自己掏荷包。Kan表示今次演唱會特別有意義：「我之前收到梅艷芳歌迷會電話，原來我開騷嗰日咁啱係撞正梅姐當年參加新秀比賽同一日。所以為咗悼念佢，我會唱三首佢嘅歌！」Kan亦透露演唱會之後會忙於錄靚聲天碟。