楊秀惠接泳衣騷安全第一

楊秀惠昨日與Alice B.齊齊為商場活動擔任嘉賓,楊秀惠表示已拍完電視劇《金枝慾孽貳》,問到她今夏可會想接泳衣騷?她說:「如果公司覺得安全、OK同埋靚嘅話,我唔介意接。」繼又表示在香港的公眾場所不會着泳衣,因為怕遭他人影相後放上網,而於私人會所游水都只會着一件頭,反而在外國就可以着比堅尼。

提到早前被指與男友同居的報道,問她是否有新男友?她否認說:「依家仲係互相了解嘅階段,但係佢都幾慘,因為佢唔係公眾人物。(嚇怕咗佢?)冇,不過唔想影響到人哋嘅生活。(影到你哋同居?)唔係,普通食吓飯啫,唔再講喇,怕啲人唔敢同我做朋友。」

同場的Alice就透露有心儀對象,對方是從事銀行業,她表示若成事會公開戀情。