陳展鵬自嘲 襯唔起李詩韻
陳展鵬、李詩韻、李綺雯等前晚出席無綫行政主席梁乃鵬於長洲為劇集《情越海岸線》台前幕後演員所設的海鮮煞科宴。之前三人曾傳緋聞，指兩女爭一男，展鵬前晚與詩韻合照明顯尷尬，但卻搭實李綺雯膊頭影相。問詩韻對展鵬有沒有feel時，她謂︰「依家係同事，唔會講呢啲嘢住，（佢係筍盤？）唔熟佢私下生活，（私下約出來？）未有咁打算。」她又指與對方有很多親熱戲，問他們是否咀出火花？她謂︰「好專業，拍完戲就出番嚟！」說到她讚展鵬時好「冧」，她笑言︰「冇呀！係好專業嘅讚賞。」
長洲擦海鮮
而展鵬則坦言覺得詩韻可搵個更好的男仔，謙稱自己不夠好。說到他們都曾與圈中人拍拖，展鵬謂︰「Patrick（鄧健泓）我都friend，（佢哋都過咗去啦！）都係唔好嘅！」
而梁博士今次自掏荷包設宴，他坦言皆因《拳王》飯局中與詩韻傾談時，知道他們於長洲拍外景，卻沒有品嘗海鮮，梁博士表示於長洲住了十多年，故今次作東道主請食海鮮。
文︰影視組