江若琳自嘲冇料 唔貼膠紙

小公主形象深入民心的江若琳，近日獲著名時裝設計師何國鉦打造型格造型拍攝新一輯官方宣傳照。穿上Dorian度身訂造中性服、染了金髮的Elanne，無論舉手投足都展現無限自信，Elanne滿意地笑謂：「我不嬲都好鍾意Dorian啲裙，依家佢新出咗條young line好啱我，青春得嚟夠高貴，我今日無端端多咗對42吋長腿，好難得咁酷同咁性感。」

男仔頭表裏不一

由於身穿開胸上衣，Dorian笑言有叫Elanne黐膠紙打底防走光，不過Elanne卻自嘲冇身材：「你見到嘢咩？」Dorian笑指熟絡後才知Elanne「表裏不一」：「佢原來男仔頭性格o架，以前以為佢好公主，雖然男仔頭，不過唔係壞事，但要睇咩場合咯，我覺得佢識收斂嘅。」Elanne聞言又再搞鬼地說：「盡量（收斂）啦！」

江若琳直認現階段是歷年最瘦。	江若琳獲何國鉦大讚有超模feel，高興不已。	在鏡頭下的江若琳展現無限自信。

加細碼衫仍嫌大

Dorian力讚Elanne可塑性高、有貴氣，兼有超模味道：「佢比例幾好，雖然唔係好高，但着衫易carry。佢影相仲好有super model feel，一埋位就充晒電，好有自信。」

Dorian踢爆Elanne瘦至連加細碼也不合身，Elanne亦直認現階段是歷年最瘦：「其實瘦嘅原因係拍《高舉‧愛》嗰陣要增肥廿磅，見到自己肥到走晒樣之後，我就頂唔順自己個樣，加上嚟緊我又會再唱歌同主力香港發展多啲，所以要keep住fit嘅狀態。」

文：影視組

場地：L'hotel

髮型：James Lee@HAiR

化妝：諺瞳小白@picturesque gate make up school