陳奕迅4粒鐘 驚變佐治童子
陳奕迅（Eason）日前為新歌MV回到80年代懷舊look，花四小時化妝驚變佐治童子和大衞寶兒混合體，並大跳交叉手舞步，極盡「重口味」。
Eason為拍攝新歌《重口味》，與導演研究一系列80年代天王張國榮和譚詠麟的MV，尋找重口味元素。Eason表示：「80年代嘅MV，除靚女之外，當然離唔開Disco嘅夢幻紅綠燈、煙霧、鐵網、鋼筋，所以我哋就喺一個夢幻煙霧，充滿Disco感覺嘅迷幻燈光之下，拍攝呢個MV。」然而因煙霧瀰漫下，Eason笑言：「啲煙多到差啲見唔到人。」
舞姿重口味
為配合80年代的重口味造型，Eason花了四小時化妝，而化妝時間太長，Eason最終睡着了，當Eason一覺醒來驚見自己被化成佐治童子（Boy George）和大衞寶兒（David Bowie）的混合體，不禁雀躍狂笑。Eason在MV中亦一展舞技，即場跟排舞老師創造「重口味」舞姿及手勢，因副歌中的歌詞節奏如機關槍，便創出「雙掌不停交叉亂劈」的手勢，Eason謂：「希望大家睇完呢個MV就學識呢個手勢，喺我八月個演唱會上，全場觀眾同我一齊跳。」
門票被熱炒
另外，Eason八月在亞洲博覽館的演唱會門票被熱炒，網上的討論區有人留言指Eason門票被黃牛黨炒到五千多元，笑言會否像早前 Lady GaGa一樣「炒燶飛」。對於可擔心若「炒燶飛」出現空位情況？Eason經理人公司表示黃牛黨炒燶飛是自作自受，都不想歌迷花多錢去買黃牛飛。
文：音樂組