樂基兒偷影阿伯 捱鬧面懵
久未露面的樂基兒（Galie）前晚連踩兩場活動，向來喜歡攝影的她自爆喜歡偷拍，但對象竟不是老公黎明，而是公園的老人家，更曾試過獵影時被公公婆婆發現，罵了她一頓。
樂基兒前晚一連走兩場活動，她先以一身黑色長裙出席照相館開幕活動，長裙背後更疑似see through，「透視」位置更直落臀部，大行股惑！她透露早前到美國探親，月前才返港。她又表示喜歡用菲林影相：「我好鍾意偷影人。（影老公黎明？）唔係，我鍾意影啲公公婆婆，試過喺公園偷影畀人話。」認真面懵。
下月簡單度生日
問到有否與黎明影結婚相？她甜笑說：「唔答。（點解？）都冇答過，點答喎？」當談及「龍兒戀」時，她即表示沒有意見：「唔識中文，又少出街，冇人同我講。（公眾人物拍拖大壓力？）第三者最好唔好理。」
Galie緊接出席一個時裝活動，同場有黎明愛將文詠珊（JM）、姚書軼及余安安等。Galie指自己很久沒有公開露面，才令大家誤以為她不在港，還透露月前的美國之行，老公沒有同行。此外，問她肚皮有沒有好消息？她反問：「你覺得呢？（有呀！）冇呀！（有冇計劃？）私人嘢唔答。」將於下月生日的她，希望簡單地度過。
SMS恭喜劉浩龍
曾與劉浩龍傳緋聞的JM，被問到「龍兒戀」時，就力撐對方：「感情最緊要係兩個人，出面嘅抨擊控制唔到。（有冇私下聯絡？）我有SMS恭喜佢，佢覆我thank you！」JM還大讚劉浩龍是個有義氣和喜歡幫助朋友的人。
採訪：名人組