婷婷爆阿哥唔洗頭

女星謝婷婷及模特兒林莉等昨日為髮飾活動任模特兒，同場還有懷孕7個多月的歌手李樂詩。婷婷自稱髮型自小由母親狄波拉一手包辦，問對方可有傳授秘技給她？她說：「無，反而爹哋（謝賢）有，佢要我唔好用洗頭水洗頭，淨係用清水可以防脫髮。我為呢件事同佢鬧過交，點可以用我個頭同佢比？（你有冇試過？）梗係無。」

婷婷笑指哥哥霆鋒應該連水也不用，問她霆鋒是否如傳聞不愛洗頭沖涼？她坦言：「我同佢唔係一齊住，唔知，但佢個頭好香，唔臭。不過Andy（男友安志杰）同哥哥拍戲時住埋一齊，佢話點解你阿哥可以咁。」其後婷婷笑言再爆料會怕被打。