薛凱琪歎阿媽靚餸似皇帝

入行八年的女歌手薛凱琪(Fiona),即將舉行首個紅館演唱會,近日忙於排練的她昨日現身錄音室進行歌曲綵排,唱片公司特地安排了歌迷到場,向Fiona送上包括蜜糖等的禮物包,讓她滋潤聲帶。談到演唱會嘉賓,Fiona就大賣關子︰「嘉賓係秘密,總之係好唱得㗎啦。」問到緋聞男友房祖名會否到時現身台上?Fiona則笑笑口避而不答。

阿澤做龍友

Fiona同時又透露好友杜汶澤已答應出席,剛大病初愈的阿澤更會拿起相機,在後台充當攝影師︰「阿澤話由佢去影我係最靚,所以自動請纓做我私人攝影師。」Fiona表示為了應付到時連場歌舞,每日練歌排舞忙得天昏地暗︰「公司都叫我唔好練得太過分,要休息吓。但我覺得依家練得辛苦啲,到時就唔覺得係一回事。」

Fiona稱辛苦過後,回到家中媽媽每晚都會親自下廚煮愛心餐︰「我媽咪不嬲唔煮飯,但依家晚晚返到屋企就有飯食,而且仲係四餸一湯,我覺得自己好似皇帝咁。」

文:音樂組