健仔讚娟妹勇敢 視死如移民
【蔡建輝新加坡直擊】羅慧娟以堅毅勇敢走過崎嶇一生，用生命感動身邊每一位朋友，昨日張衞健、劉美娟夫婦及娟妹的母親及三名哥哥趕到新加坡送別她最後一程。一臉哀痛的張衞健難忘娟妹以樂觀態度視死亡為移民，並籲朋友不用擔心不用傷心：「我只是去了更靚的豪宅住！」
羅慧娟不敵癌魔折磨，上周六在新加坡家中與世長辭，痛失愛妻的劉志敏強振精神，連日奔波為娟妹打點最後一程，一連三日在當地翡瓏聖山所的Grace Hall舉行的設靈儀式昨晚結束，娟妹將於今日在當地舉殯兼火化。
堅強、樂觀的娟妹待人以誠，連日來各方好友紛紛趕赴當地見她最後一面。曾和娟妹合作《婆媽女婿》及《鸁單傳奇》而相交多年的張衞健，昨晚穿上素服送別好友。他受訪時表示本來計劃到獅城探娟妹，上機後始知娟妹已走。他又說：「之前去娟妹屋企食飯，臨去前我心情好不安，因為我唔識安慰人，但係當晚同佢相處咗4、5小時之後，我好釋懷，佢畀我見到佢真真正正不懼怕死亡，積極和樂觀。娟妹覺得朋友唔需要擔心，唔需要傷心，因為她只係去另一個更好嘅豪宅。」
唔介意除「髮」示人
講到傷心處，張衞健一度眼紅紅，不時捽鼻，他續說：「娟妹用移民嘅態度去面對，佢好似一個正常人咁，一直嘻嘻哈哈，叻！唔容易㗎。娟妹仲搞笑地問老公，我可唔可以除假髮畀啲朋友睇，佢老公答你鍾意除晒啲衫畀朋友睇都得。」健仔直言娟妹能樂觀面對，確是無憾。另外，娟妹早前接受電視台訪問，直言已將遺物逐一分配好。
羅偉平現身送別
與娟妹感情深厚的大哥、三哥，以及帶娟妹入行的二哥、前無綫藝員羅偉平亦分別前來，哀傷的娟媽再度出現靈堂，難過得要人攙扶。連日來陳法蓉、黎美嫻、陳麗貞等寸步不離靈堂，娟妹丈夫劉志敏坦言各人在他面前強裝堅強，以示對他的支持：「佢哋都好支持我，喺我面前好堅強，係面對你哋比較激動。」問到喪禮安排，他說：「明天（今日）火化，（幾時返香港？）休息一晚先。」