呂良偉笑晶叻玩罵戰

呂良偉（阿呂）與太太楊小娟昨日拍拖出席沙田馬場賽馬日支持友人的馬匹出賽，同場還有陳百祥（阿叻）、譚詠麟（阿倫）、汪明荃和許世勳夫婦等。問阿呂可有留意近日阿叻與王晶罵戰一事，他笑說：「玩啫，邊個會咁認真，咁熟，大家好朋友講吓笑。（如果佢哋有咩事你做和事老？）唔會有事，點會有事，唔使擔心。（晶哥好似好嬲喎！）演戲都有得演啦！（佢哋夾埋宣傳？）呢樣我真係唔知，唔好問我。」
呂良偉與太太撐友人馬匹出賽。
呂良偉與太太撐友人馬匹出賽。

另外，阿倫在會員廂房等待馬匹開跑時，遇見著名廠商南太電子創辦人顧明均，二人即寒暄一番，而拍照時，阿倫竟鬼馬地在對方頭上做出牛角手勢，相當頑皮。

阿倫整蠱顧明均，十分貪玩。
  • 阿倫整蠱顧明均，十分貪玩。