霆鋒機場急閃 返家大便
謝霆鋒昨午二時半從西安返港，在助手陪同下步出機場的他戴上黑超及戴Cap帽，他透露此行為「唱歌做騷」，心情不錯的他又笑說：「你哋（指記者）又唔係等我，你哋嚟抽我水咋嘛！」一路未有停低接受訪問的他被問到「龍兒戀」時，霆鋒謂：「人哋拍拖嘅嘢我唔講咁多啦，又唔關我事。」當記者問到他接下來要做甚麼時，他即邊按着肚子邊說：「我要返屋企大便呀！」相當風趣。
見記者「嘩」一聲
而前女星邱淑貞（豆斗）自下嫁I.T.時裝集團主席沈嘉偉後行蹤低調，前晚豆斗一家五口在保鏢及助手陪同下抵達機場，似乎準備於一連幾天的假期外遊散心，不過當拖着二女沈日的豆斗見到記者後，不禁「嘩」了一聲然後掉頭走，抱着細女沈星的沈嘉偉亦「速閃」快步離開現場，未知是否怕記者的閃燈嚇親細女，沈嘉偉邊行邊與懷中的女兒耳語，散發出慈父光芒！大女沈月亦非常醒目齊齊「撤退」，問到沈嘉偉去哪裏旅行時，他亦未有回應。
文：影視組