任達華：人同相都唔見咗

任達華：當年喺無綫同娟妹合拍電視劇《飛躍霓裳》，印象中佢活躍開朗。戲中演攝影師嘅我開始學攝影，娟妹順理成章做模特兒，影落一大疊相，只係相同人都唔見咗。

吳孟達：娟妹走咗？我冇耐之前喺北京見過羅偉平（娟妹兄長），佢仲話情況好似好咗……佢第一部電視劇就做我個女，哎……！可能託啲新加坡朋友，睇吓可以為佢做啲乜啦。

任達華（左一）、羅慧娟（右一）

吳孟達

林以諾：2010年年初同娟妹去希臘拍攝《以諾遊蹤》，之後一齊去澳洲悉尼、新加坡合作佈道工作。佢不屈不撓嘅生命力、在病患中仍充滿喜樂，令人致敬。我應該不會到星洲與她「告別」，但會出席在港的追思會。

羅霖：現在我們的姊妹Jacqueline與主同在，娟妹已安息在主懷！願她的遺願和生命見證能令更多人因信主而得永生！

馬海倫：看到娟妹走了的消息眼淚就流出來了，有這個病也很辛苦，走了也是解脫，可惜她還年輕，希望她到極樂世界會好開心，那裏有很多朋友呀，阿彌陀佛。

江欣燕：澳門工作返港才知娟妹早前已返天國，是不是更該活在當下，清醒享受眼前每刻多點！健康身體非理所當然……電療使病人太受苦了，自然療法請世人多多提倡吧！

張堅庭﹕聽聞娟妹去世前有同教會拍短片嘅教友坐低開過兩、三次會，想將生平拍成短片做見證。（完成佢嘅遺願？）呢樣唔係我可以話嘅，都要睇吓究竟佢哋有冇片已經拍低咗。