心臟突然減弱 胞姊：佢走得非常安詳
娟妹生前廣結人緣，除了一眾名人好友前來弔唁，羅慧娟家姐羅慧蓮昨日早早到場，於靈堂瞻仰娟妹遺容後，接受傳媒訪問，她坦言娟妹雖然病了一段時間，但這段時間為了不讓別人擔心，娟妹經常為別人帶來歡樂，羅慧蓮表示：「好感恩能夠同妹妹度過咗一段好長嘅時間，妹妹反應好靈敏、好鍾意講笑，帶咗好多歡樂畀我哋，佢成日擠眉弄眼整蠱護士，又講笑話畀我哋聽、氹我哋，尤其最鍾意整蠱妹夫（劉志敏），玩到佢死死下，佢成日笑妹夫係好好嘅男護士，亦都係佢最愛嘅男護士。」
羅慧蓮陪伴妹妹漫步人生至最後一刻，而這一刻比她想像中來得快：「離開（指妹妹離世）比預期早咗少少，佢無嗌過（痛），抖咗幾啖氣就離開咗，我哋可以好高興咁同大家講佢走得非常安詳！佢係突然之間身體機能、心臟突然減弱，然後離開嘅；媽媽好心痛，但都接受咗佢會去另一個世界，（娟妹有甚麼心願未了？）其實都講低咗，等香港追思會嘅時候先講。」
