Ana R.星際 Moonwalk

除了要拍照留影外，名模Ana R.透露要在太空跳Moonwalk，在無重狀態底下，一定比地球容易成事。而莊思敏搞鬼地想到太空上廁所，了解在太空中如何大小二便！

Ana R.：「我會做側手翻同埋學Michael Jackson（MJ）Moonwalk，應該會比喺地球度做容易好多。」

胡定欣

Lisa S.

胡定欣：「我會想喺太空跳舞，同埋將一支寫住『胡定欣到此一遊』嘅旗插喺月球上面。」

莊思敏

岑潔儀

岑潔儀：「會做個mask先，喺太空應該皮膚會好乾，做完mask後影相自拍，睇下自己塊面有乜變化，（點解有變化？有整容？）唔係，可能上到太空會有啲唔同。」

莊思敏：「如果有機會上太空，會自拍先，第一時間影低紀念下，之後會去個洗手間，睇下同地面有乜唔同。」

三級女星王璐瑤：「都係影相先，跟住會去廁所，唔知喺無重狀態下去洗手間有冇難度。」

中國小姐趙哲妤：「會影張即影即有嘅相兼簽埋名，整成一支旗喺太空插旗，等全世界記得我。」

陳祉妤：「我想瞓覺，因為喺地球有好多嘢要諗，晚晚都無覺好瞓，上到太空感覺好寧靜，好似潛水咁好靜好舒服，好想喺太空瞓一覺。」

Lisa S.：「如果係好正經嘅就會幫地球影張相，如果可以隨我鍾意做咩嘅我就會打邊爐食麻辣火鍋，我好鍾意打邊爐，想試下喺太空打邊爐嘅滋味。」

Alice B.：「我會一直向前飛，感受無重狀態飛嘅感覺，睇下唔同嘅星球，睇下個太空有啲咩，一直不停咁向前探索。」