葉世榮囡囡 早產重６磅半
今年49歲的Beyond鼓手葉世榮前日榮升做爸爸。去年12月，世榮跟26歲內地嫩模張偉鈴在北京奉子成婚，BB預產期本是7月尾，張偉鈴在家鄉山東待產，怎知BB卻提早一個月於前天出世。前晚世榮仍跟樂隊Ever在成都宣傳新碟，世榮在台上宣布囡囡出世喜訊，現場歌迷歡叫聲震天，Ever亦隨即在微博公告消息。
雙眼皮好靚女
昨日身在汕頭的世榮接受本報電話訪問，初為人父的他感到很光榮，大讚BB雙眼皮好靚女：「真係失晒預算，昨日老婆打嚟話生咗囡囡，重6磅半，雖然提早一個月，好在母女平安，自己都有少少慚愧，唔可以陪喺佢哋身邊，我仲有10幾場騷要做，7月先可以返去見佢哋，好在太太好體諒，叫我畀心機搵奶粉錢。」世榮因篤信命理，故名字會請師傅改。
Beyond隊友黃貫中接受本報訪問，將為人父的他恭喜世榮添丁，笑言要跟他交換湊B心得。另外，黃貫中與世榮趁着昨日是黃家駒離去19周年的日子，於微博留言懷念，亦有近40名歌迷冒雨到家駒墳前致祭。
文：音樂組