天后林憶蓮昨日於尖沙咀出席攝影活動，神采飛揚的她透露剛完成上星期的DVD宣傳後，現忙於籌備巡迴演出，將到吉隆坡、澳門、北京等地巡唱，問到可會穩賺一億？憶蓮笑言：「邊有咁多，傳媒太高估我哋唱片業，我出碟係想好似name card咁畀人。（你個名已經係大牌子？）辛苦努力得返嚟，其實搞演唱會咁高製作費，有數得計，歌酬唔會係天文數字。」
至於巡唱每站都有不同調整，憶蓮會唱多點國語歌及換新衫，歌衫會否sexy？她說：「sexy唔係講布料多少，而係一種感覺。」
