黃榕咪咪餵蚊扮enjoy
性感女星黃榕（Gloria）今年再出寫真挑戰性感尺度，變身投資者之一的她落足本拍攝，她不惜到極污糟的廢車廠晒咪開工，不錫身趴地黐到滿身泥，更引來鹹濕蚊針咪咪，令她要忍着痕癢死頂扮享受。
形象火辣的Gloria去年以熟女代表，在寫真戰中力戰一眾o靚模，今年她繼續推出寫真，因今次她有份投資，加上有感已屆熟女之齡，索性盡地一煲挑戰個人性感尺度，大晒零贅肉索爆身材，更揼本轉足廿多個造型及到海南島三亞取景，加上沙灘、森林、遊艇及廢車廠背景，靚人靚景望引宅男落疊出錢買書。
唔怕污糟碌地沙
當中Gloria到廢車廠進行拍攝時，身穿泳衣的她在極骯髒的環境下開工，攝影師要求她又趴又瞓，向來唔錫身的Gloria二話不說照做，雖然搞到一身泥，鏡頭前仍繼續擺出殺死人甫士及電眼，未料電力引來蚊子喪叮，更有鹹濕蚊專叮其豐滿咪咪，認真識揀位置！痕癢難當的Gloria繼續死頂扮享受，事後她笑說：「其實我唔惹蚊，但現場真係太污糟，加上我露肉最多，啲蚊喺咁針我，都幾大犧牲！」
最後一激會剝清
提到有不少o靚模出寫真，征戰多年的Gloria直言未驚過，說不放任何人在眼內：「唔覺得有人有威脅，只係想挑戰自己，做到最激，因為可能係最後一本。」她直言書中有超激全裸照，提到模媽Mia（陳靜儀）亦有全裸，Gloria即說：「佢生過仔，諗起都冇幻想啦！」
文：影視組