羅力威怕執輸補賀樂易玲
歌手羅力威昨日舉行簽名會，吸引200歌迷支持，記者叫女歌迷親吻偶像，羅力威即面紅尷尬說：「你叫我錫佢？」接住有男歌迷簽碟時，竟抵死作狀「嘟」嘴錫偶像，嚇得羅力威即縮後及掩口。
參加亞視的《亞洲星光大道》出身的羅力威，一度遭無綫飛出《紅白鬥》音樂騷，問他可擔心新歌打不入《勁歌金曲》？羅力威說：「自己唔識考慮，信任同放心交公司處理。」問到有否見過無綫高層樂易玲？他口震震說：「冇。（佢尋晚搞生日派對？）係？（唔去同唔送禮蝕底晒？）咁點算？」他隨即在攝錄機前大賣口乖送祝福：「樂易玲小姐，生日快樂。」