周家蔚不停食：佗得穩啲

周家蔚、洪天明結婚後便開始「不設防」生活，恨生仔恨到發燒，不過二人終於恨到。前晚天明與四位神獸天使出席酒吧活動時，被問到有指家蔚已懷孕兩個月時，他表示：「我都冇特別check住（指太太經期），（係咪怕小器唔講?）真係唔知。」他又指等緊老婆報告，更已進入準備狀態。

記者昨日親自致電恭喜家蔚時，她起初支吾以對，又指正在驗緊，記者笑言驗孕不用這麼久時，她默認謂：「唔知呢！哈哈！講得我會講，（哦！恭喜嘞！咁食多啲嘢嘞！）我會食多啲，上個月已經肥咗10磅，不過冇所謂，我都預備造人，好生養嘛！佗都佗得穩啲啦！」問她是否生完一個又一個，及早收工時，她笑言：「生完一個先啦！都要睇自己身體點樣，（有冇嘔吐同唔舒服？）冇咁快啩！」問到老爺洪金寶知道喜訊未時，家蔚笑言：「會話畀佢聽，呢個係天明責任，（佢乜嘢反應？）唔知呀！我上次見佢係拉頭馬嗰日，佢嗰日都好開心。」

天明前晚與四位神獸天使出席活動時，表示不知老婆有咗。

白雲露出３吋事業線，風騷現身。

白雲安全騷胸

今日是天明生日，家蔚坦言會跟天明離港工作，順道慶祝生日。至於天明在前晚的活動上表示會跟朋友吃飯慶祝生日，不會特別搞甚麼。此外，同場的神獸天使中，以露出3吋波罅的白雲最性感，她笑言已扣了五個扣針防走光，不怕蝕底，又指平時搭港鐵都不敢這樣打扮。說到天明叫她減肥，她謂：「其實喺我家鄉唔算肥，香港就算，咁聽日減啦！」

文：影視組