陳細潔無暇被迫退港隊

「鯊魚女」姊妹陳小寶（Angel）及陳細潔（Abbie）昨日齊齊出席「理大．雪肌蘭2012亞洲大學生羽毛球邀請賽」，二人均表示對羽毛球富濃厚興趣，亦定必收看世運會、亞運會、奧運等羽毛球賽事。
陳小寶（右）與陳細潔對羽毛球有濃厚興趣。
陳小寶（右）與陳細潔對羽毛球有濃厚興趣。

Angel更透露自己曾與奧運冠軍林丹合照，更大讚：「佢喺球場上好型，所有女仔見到佢都好開心，佢令到更多人鍾意睇呢項運動。」而曾是香港壁球隊成員的Abbie則表示：「唔好睇羽毛球嘅重量咁輕，打起上嚟用嘅力氣仲多過壁球。（點解退出港隊？）打嘅話要犧牲好多嘢，唔夠時間。」

另外，姊妹倆表示打算到沖繩旅行，享受陽光與海灘。問到會否乘機開拓商機？Angel回應：「依家連內地嘅發展都未夠時間計劃，不過唔急嘅，好多內地人都專誠嚟香港買我哋嘅產品。」