榮雪梅遭色惑拉隊拉直落

澳門新濠天地推出的娛樂巨獻《Taboo色惑》前晚舉行首演，吸引關之琳、舒淇等紅星前往捧場，名媛榮雪梅夫婦和錢慧儀夫婦亦有到場支持。大美人關之琳一身輕便打扮現身，在場內睇騷時表現投入，舒淇則與《Taboo色惑》的靈感大師Franco Dragone互動，二人雙手合十打招呼，十分搞鬼！

榮雪梅觀看後就大讚是次表演很好看：「真係好靚，我好鍾意睇！好有藝術感，啲女仔又好正。（佢哋係咪好性感？）性感程度剛剛好，好靚。」繼而大讚這場表演令她看得很開心：「係好好嘅娛樂，very good！我下次會請埋女性朋友去澳門shopping直落夜晚睇騷，順便過一晚，始終香港暫時未有呢類表演，啱晒我呢個age（年齡）睇。」

關之琳一派自在地在場內欣賞演出！

何猷龍表示若然爸爸有空，都想帶他前來睇騷。

錢慧儀愛Tag dance

而錢慧儀和夫婿馬清揚到場後，即急不及待趕入場，事後錢慧儀表示：「OK好睇，有兩part我都好鍾意，一part係男藝人跳Tag dance，另一part就係男藝人着裙跳舞，好唔錯，吞劍嗰度就有啲驚，喺拉斯維加斯都睇過類似演出。」她還透露平日都會過澳門玩，因為老公在澳門賽車，又認為當地有很多美食和名店，有些名牌甚至香港也缺貨。她覺得《水舞間》是老少咸宜都可以欣賞，《Taboo色惑》則適合成年人，問到演出如此性感，為何仍讓老公觀看？她就笑言整體感覺不會過分賣弄性感，反而有多元化的感覺。

放大圖片	舒淇魅力沒法擋，引得靈感大師Franco Dragone雙手合十與她互動。	男藝人露出胸肌大跳Tag Dance，令錢慧儀夫婦看得如癡如醉！

何猷龍預約爸爸睇騷

此外，身為新濠博亞娛樂聯席主席兼行政總裁的何猷龍，表示對此很期待：「呢個係暑假特別呈獻娛樂，好似將夜總會騷帶到澳門，係好好嘅娛樂。（會唔會帶爸爸何鴻燊嚟睇？）好希望，等佢得閒先啦，佢好開心，好多人陪。（你暑假會去邊度玩呀？）唔講你知，暑假梗係留畀太太同囡囡啦！」

文：名人組