迷幻星空Futurism
Futurism（未來主義）是今年熱爆的服裝之一，包括星空、金銀鏡面、迷幻等元素。穿衣者除了能帶出型格的氣質，還顯現自我的一面。加上，花巧圖案在新世代非常普及，而且主題比較中性，男女也能穿着。可是，要穿得好看必須配合時尚設計及適合的剪裁，而且要配襯時尚飾物、主題妝容及髮型等才好看！現在就讓時裝作家Janice分享她的寶貴意見，教大家上一課吧！
愛瑪沃森
「入膊衫感覺好sporty，而且突出膊頭顯得好橫，如果身材比較強壯就唔適宜穿着，妙麗身形都唔係太瘦削，應該避免着。」
Katy Perry
「非常靚！無論髮型或妝容都同條裙好合襯，完全帶出未來感。加上佢身形fit爆，而且一向行型格路線，carry得好好！」
Kim Kardashian
「條裙係突出，有未來戰士嘅感覺。可惜佢冇足夠嘅配飾同髮型去襯托，好似只係着咗件衫出街就算咁。」
范冰冰
「仍然保持佢嘅高貴形象，一貫tube dress作風。今次唔例外，條裙都係一般，不過不失，冇驚喜。」
琦琦
「佢係名模出身，其實着咩都carry到。套jumpsuit個圖案特別同靚，但係因為個髮型同妝容都好高貴，應該加強番，會仲好睇。」
陳柏熹
「新世代好多男仔會着得好花巧，通常男仔着會比女仔突出，反而變得眼花繚亂。但其實如果只係上身花巧，下身配淨色褲會好睇啲。」
王麗儀
王麗儀（Janice Wong），時裝作家及博客（blogger），是16年前華語媒體中首位遠赴歐美時裝周報道的時裝編輯。她經常為香港及海外的時裝設計比賽擔任評判；另外，美國CNN旗下亞洲生活時尚網站讚譽她為「香港首位真正的時裝權威」。
Girls Kingdom
「年輕貌美，身材又fit，carry到。由未來感帶出一點女人味，加上傳統嘅性感，與Katy Perry截然不同嘅風格。」