羅力威400萬上身 成世最貴
英皇旗下的新寵，創作歌手羅力威（Adason）昨日現身新碟發布會，並於活動上大騷才藝。首先用拿手的鋼琴跟表演小提琴的一位六歲小妹妹「互Jam」，再自彈自唱新曲，盡顯音樂才華。
師姐師兄送片祝賀
同時Adason又公布喜訊，其8月1至3日的個人演唱會，因反應熱烈，要再度加開2場，認真可喜可賀！現場更播放容祖兒、古巨基及蔡卓妍的祝賀短片，而唱片公司高層吳雨和陳志雲更現身撐場，而吳雨又送贈「百威圖」，更笑言：「連胡錦濤都嚟賀你，頭先陳志雲話要同你上堂，整個志雲飯局你歎！」
而Adason昨日更戴上逾四百萬鑽飾現身，他表示感激老闆借出貴重鑽飾，是最大的鼓勵，並直言「成世最貴」！提到唱片監製舒文大爆他為人大膽？Adason說：「我唔講嘢cool，但一講嘢我覺得自己係活潑嘅人。（緋聞女友羽翹咁讚你？）冇，佢冇讚啲咩，唔知佢點諗。」
文：音樂組