袁詠儀最怕囝囝被影
袁詠儀（靚靚）前晚為《海琪的天空》錄影，她表示最避忌講老公張智霖：「因為佢唔鍾意我成日講佢。（介意老公講你?）佢好少講我o架喎，佢都唔留意我嘅。」她其後又說最驚是兒子被人影：「之前學校打嚟話我個仔畀人影，我即刻標晒冷汗，我老公都即刻話唔好同人講阿仔讀邊間學校，可以嘅話都想用人盯人嘅方法睇住個仔。」
靚靚亦表示稍後會去雲南拍電視劇，她說：「屋企冇人夠我惡，我怕離開一排，阿仔會變咗小霸王。」問到薪酬，靚靚即笑言自己十分吃香：「七位數o架，仲要係人民幣。」她表示自兒子出世後已推了十幾套劇，問她是否賺少很多人仔，她說：「但係我見到我個人仔喎，係無價寶。」