徐子淇避時差 飛英睇直播

徐子淇前晚出席周啟邦兒子周國豐舉行的床褥品牌開幕派對，出席嘉賓還有名模汪圓圓、Rosemary、楊崢等，場面相當熱鬧。身穿吊帶低胸裙的子淇，被指比前清減不少，她即笑言肥了才對：「着得少布就有人咁講，呢排睇波係咁食消夜，有時睇埋十二碼成五點先瞓，好攰！」

大女想做記者

原來子淇以前在英國讀書時已經是超級球迷，前晚出席活動後更舉家飛往英國旅行，順道在當地睇歐國盃電視直播決賽，由於沒有時差問題，故不用捱夜。子淇又表示在外國可以讓子女做一些香港未能做到的事，例如乘搭巴士及火車、參觀動物園和去沙灘等，她說：「喺香港冇自由，唔可以瞓喺公園，唔明點解去親City'Super都見到記者！」

周國豐新店開幕，媽咪、太太及ＢＢ都有到場。	即將出書的楊崢，百忙抽空捧場。	汪圓圓自爆要五個鬧鐘才能把她吵醒。

子淇笑言報館的「報料熱線」十分有效率，不出10分鐘記者便到場。她還曾向大女李晞彤解釋狗仔隊是喜愛影相的記者：「因為大女好鍾意用寶麗萊影相，仲問我佢係咪記者，我話佢係『記者仔』！」

汪圓圓認爛瞓

周國豐為其店舖投資七位數字，還表示曾受到失眠的困擾，但自從改換床褥後，失眠情況全消失。他還透露下月28日為兒子擺百日宴，在旁的太太黃泳霖說：「有魔術表演，大人同小朋友都會嚟！（參考徐子淇擺嘅百日宴？）佢嗰啲太昂貴！」汪圓圓在活動中自嘲是「爛瞓豬」，自爆求學時期要用5個鬧鐘才能叫醒她。

採訪：名人組