張名雅先拔頭籌阿叻熄火

阿叻昨出席港姐活動時突然「熄火」，指事件已告一段落，兩人兄弟情依舊，但仍力撐港姐高質素，只是各有不同睇法。對於王晶自言曾捧紅他，阿叻說：「佢係捧紅過我，不過只係電影，真正捧紅我係TVB；就算係都唔代表我要跟佢講嘢！今次畀佢知我係唔會畀面人。」湯洛雯對於阿叻力撐她而引發罵戰一事回應：「睇番報道佢係講成班港姐，不過，都多謝佢讚美。」同場的志偉對於阿叻與王晶罵戰一事笑說：「冇事啦！阿叻以為係亞視嗰個王征，依家知道原來係王晶，咪冇嘢囉！」

陳華鑫和鍾麗雖已被淘汰，但由於曾赴倫敦拍攝故有份競逐獎項而獲邀出席，不過「航空大使獎」獎項最後落在張名雅手上，她獲得一年任飛的獎品，並稱最想去馬爾代夫旅行。

阿叻力撐今屆港姐跟王晶「開戰」，湯洛雯大表感激。

（左起）卞曉帆與兩位落選港姐陳華鑫和鍾麗在活動上留影。