Monna裸綵送上門 剝贏Iris
「百果園咪神」陳靜（DaDa）成功上岸脫離寫真o靚模行列，惟同門師妹仍要靠露肉谷寫真，同屬E Cup的鍾采羲（Iris）及林宜芝（Monna）更由年頭罵戰蔓延到寫真鬥剝，禁足書展亦未能撲熄兩女戰火，一個玩「o靚模打排球」，一個玩「o靚模廚房」，書展場外一戰定生死！
第23屆書展下月18至24日在灣仔會展舉行，近年所見o靚模寫真勢必橫行會場，自主辦商停批o靚模入場搞簽名會後，她們惟有各師各法，鬥諗計誘宅男落搭。
近年撈得風生水起的DaDa日前高調宣布擺玩寫真戰，旗下六名師妹包括「爆E超蓮」鍾采羲（Iris）、「混血E神」林宜芝（Monna）、郭穎兒（Celia K.）、曾善美（Mei Mei）、來自內地的小櫻及Moka隨即應聲彈出，各自推出寫真盡地一煲，爭住做「DaDa第二」。
索爆E新娘
o靚模聚首，明爭暗鬥實屬平常，同屬「E Cup族」的Iris及Monna直頭懶理同門之情，駁火駁到出晒面。今年4月，Iris跟何家四房千金何超盈不忿被Monna挑撥離間，直斥Monna擅於借刀殺人！據知，事後兩女徹底反枱，就算被公司安排同赴內地登台，都全無交流，同門o靚模無人夠膽充當「和事老」救火，恐誤成炮灰！
兩位「E神」今年各自推出個人寫真，其中Iris穿上多套性感內衣在床上典床典席，又化身「索爆E新娘」，笑言要讓「老公」大飽眼福：「想啲宅男幻想佢哋係我老公，娶到個咁索嘅老婆仲唔開心死？」死敵Monna為了剝贏Iris，索性全裸上陣僅用紅色綵帶綑綁全身，將自己包成禮物送給「情人」，淒美中略帶SM feel，相比之下明顯稍勝一籌！
甜頭鬥波餅
因兩女沒有申請入書展搞簽名會，宣傳策略就成終極一戰！擅於整甜品、自封「o靚模廚神」的Monna打算租用商廈的大廚房，親自整秘製甜品餵粉絲，而財力雄厚、擁淺水灣獨立屋的有錢女Iris就打算在自己地頭搞沙灘派對，着比堅尼與粉絲打排球送「波餅」。經理人Celia表示亦會為其餘四個o靚模於商場搞簽名會，並構思如何獎勵買齊六本寫真的忠實粉絲，暫時打算派出六女齊齊影親密合照，來招「一王六后寶麗萊」！
Profile：Monna
中文名：林宜芝
年齡：25歲
三圍：34E、25、35
簡歷：有四分之一德國血統，2007年參加工展小姐入行，去年首度推出寫真。
Profile：Iris
中文名：鍾采羲
年齡：24歲
三圍：35E、24、34
簡歷：曾推出寫真集《Inside》、《What's Up》
文：專案組