Balia唔使前夫養 經濟無問題
模特兒陳祉妤（前名陳沛嘉）昨日親口承認已跟前藝人彭文堅分居，雖然還未辦妥離婚手續，但沒有老公養的她強調依然可以自給自足，早前她還換了新車，足證經濟絕無問題，並祈望展開人生新的一頁！
陳祉妤（Balia）與彭文堅於09年秘密結婚，但自翌年3月彭文堅夜半當街攬女斷正後，便多次傳出兩人婚變的消息，Balia卻從沒有正面承認離婚。昨日她與陳敏之、名模Ana R.及Lisa S.齊為「浪琴錶香港國際賽事」簽約儀式的活動行騷，以露背裝上陣的她說：「今次係呢一、兩年嚟首次投入番工作，之前因為好多屋企嘅問題放低咗。（之前講到好似退休？）唔係，我從來都好熱愛工作，除咗為生活仲係個人嘅value。（想追番啲時間？）我覺得時間過咗就好難追得番，想keep番工作狀態，感情暫放一邊，希望展開新嘅一頁。」
當再追問Balia現在是離了婚還是正在分居，她終於坦白說：「婚姻嘅status唔會影響到我嘅工作。（可唔可以交代清楚啲？）我希望自己有新一頁嘅開始，呢一、兩年我同我另一半已經分開咗喺唔同嘅地方生活，我開始獨立生活，另一半一直對我好好，好支持我，我哋互相祝福。（咁辦妥晒手續未？）未，仲未辦妥。（出番嚟做嘢係咪因為經濟問題？）唔係，我係一個樸素嘅人，經濟方面我多年嚟都有穩定收入，有儲蓄，我唔係一個會有經濟問題嘅人。」而早前她被本報拍得駕駛價值30萬元的mini cooper新車，足證經濟確無問題。
陳敏之三從四「得」
同場的陳敏之近期忙於拍劇，已數月沒有行騷，她很喜歡模特兒的工作，而公司TVB也會為她接有關modeling的job。她說：「我拍劇、行騷、唱歌登台樣樣得，煮飯都得，係三從四『得』。（幾時做煮飯婆？）我一定唔會做全職煮飯婆，我好鍾意工作，同埋我屬馬，鍾意郁動，唔可以困喺屋企。」
文：名人組