葉蒨文影完床照周身痛
50歲天后葉蒨文（沙麗）相隔8年，將於9月再踏紅館舉行「葉蒨文完全是你演唱會NTIMATELY YOURS 2012」，日前沙麗拍個唱海報，穿喱士通花吊帶背心影床照，她笑說：「我呢個年紀影大頭好啲，唔使影到有事業線呀。」
最怕影相
今次影床照其實是沙麗的構思，希望觀眾睇騷時像返家般開心，不過為怕面貼枕頭會令塊面變形，沙麗全程要扮瞓凌空枕，搞到拍完後頸梗背痛。入行多年的她原來最怕影相，她自封是緊張奄尖大師，每次都要親自揀相，她說：「我好難影相o架，我唔多識做表情，有時影1,000張相，只有幾張捉到表情。」
學拉丁舞
為了今次個唱，沙麗忙於健身、練氣、學跳拉丁舞，愛打羽毛球的她乘機運動練氣，她說：「我打到攞獎添，依家啲狀態fit得滯，以前打完波好索氣，依家體力好咗，我一定要保持體力，因為要跳好多勁舞，其中會跳拉丁舞，已經請咗兩位俄羅斯跳拉丁舞高手陪我一齊跳，希望唔會跳到索氣。」
文：音樂組