賈曉晨否認同猛男過夜
賈曉晨（JJ） 被偷影到與一位貌似周潤發的猛男到深圳兩星級酒店過夜，她昨日到電台訪問才得悉此事，即場尖叫大呻冤屈：「吓！係咪黐線？呢個係我舅父！嗰日同佢成家人去酒店食飯，食完我就飛返鄉下，無過到夜！」哭笑不得的JJ原來當日已知有狗仔隊跟蹤她，但想不到跟到過關上大陸。她更笑言：「我揀都唔會揀呢啲酒店啦！」
對於有指JJ姣溝兼「胸壓」羅仲謙，她亦大嘆：「嗰日我哋影專業婚紗相，唔通企到好遠咩？加上攝影師要求我哋扮錫，所以先身體接觸Close啲！」問男友沈震軒有冇呷醋？她說：「我發誓真係無男朋友，只係同佢食過飯。」她亦透露曾與好友鍾嘉欣在街上被跟蹤，鍾嘉欣即場教授「防跟法」給她。