梁漢文啤啤夫頭撞門
陳奕迅（Eason）和老婆徐濠縈前晚近10時，匆匆趕到好友歐陽德勛婚宴，剛由泉州返港的Eason表示答應過一定會到，笑言最擔心無翅食。他表示希望與湯唯合作拍電影：「睇我老婆個樣，就知其實我好細個係好鍾意吳倩蓮，湯唯有晒佢氣質！」
另外，席上客梁漢文中途去洗手間，略帶醉意的他問記者為何未走？記者謂：「等你嘛。」他邊行邊擰轉頭說：「唔使啦。」話口未完即撞埋門柄，十分尷尬。當晚一班好友戥歐陽德勛和蔡立兒結婚開心，Eason、梁漢文、BIG FOUR、鍾鎮濤等上台唱歌助興，婚宴後還拉隊上朋友家狂歡。
