王晶反擊：我捧起陳百祥
日前王晶以「水平糕」寸爆今屆港姐質素參差，其老友陳百祥（阿叻）即反擊對方疑患白內障唔識睇女而掀罵戰。王晶有見阿叻再反寸「捧人冇個紅」後氣頂難眠，昨日凌晨連發三條微博以舒怨氣，並「提醒」大家，他曾捧紅舒淇、林熙蕾等，包括於八十年代捧起過陳百祥！
王晶連日來與老友阿叻隔空罵戰，單刀直入句句無面畀！昨日凌晨五時許，王晶又微博留言：「那位陳先生問我又捧紅過些甚麼人？想了一想：邱淑貞、朱茵、林熙蕾、舒淇……呀。我記起了，八十年代我還憑兩部《青蛙王子》捧起過一位今天可能因已六十二歲，記憶力退化的人。他叫做陳百祥！」
見面唔敢打招呼
三個小時後，王晶又留言說感到心灰，被推心置腹的好友以難聽說話攻擊，自嘲以後會自量，指阿叻是巨星，所以日後見面都不敢打招呼：「也許我真的是傻吓傻吓，人家經過多年鑽營，早已自居唔使撈的富豪級，我這種又窮又要四圍撈，白內障都冇錢醫的茄喱啡，怎能自攀自認是人家老友呢？」
被寸腦傻冇朋友
昨日阿叻接受電話訪問，直言不是刻意攻擊對方：「我只係教訓佢，平時佢冇朋友，喺屋企對住四幅牆，所以先諗埋一邊，佢應該多啲行出嚟接觸吓朋友。大家係朋友，我係佢最好朋友先咁樣話佢，以王晶今日嘅身份，TVB冇人會敢出嚟話佢。」
阿叻又補充說，好友陳國強首次搞電視應予以支持，他說：「唔應該柴台，陳生都有搵過我傾，問我哋做乜自己人鬧交會畀人笑。（王晶話自己心灰？）我都好灰，佢個腦都傻咗，唔知佢諗緊乜。大家幾十年老友，唔該佢攝高枕頭諗清楚，唔好針對啲女仔！」
文：專案組