歌手林德信（Alex）與麥家瑜等出席七一演唱記招，二人均表示第一次參與該盛事。問到初哥Alex會否感壓力？Alex笑言：「次次出騷都會好緊張，但我享受有壓力嘅感覺！（會唔會同爸爸林子祥取經？）會啊，佢都會做呢個騷，但我哋就唔會合唱！（難忘？）都係㗎，可以同佢一齊做騷。（你同吳雨霏同台？）係啊，不過係一齊大合唱囉！咁多人好好玩。」
