朱玲玲自責口多　連累晶剛

朱玲玲昨日以永遠名譽會長身份出席慧妍雅集步行籌款活動，老友葉蒨文（Sally）亦有到場支持。朱玲玲被問到「晶剛」的婚事籌備得怎樣？她說：「都係佢哋自己負責，不過，久唔久都會打嚟問吓我意見。」

拒爆晶晶行蹤

對於有指兩人的婚期定於11月11日，朱玲玲不置可否說：「No comment，我希望由佢哋自己宣布，上次我講佢哋會喺今年結婚，原來我係第一次講出嚟，搞到佢哋都有啲煩，有記者喺佢屋企外面等，係我害咗佢哋。（佢哋叫你唔好講？）冇，不過上次搞到佢哋唔係好方便，我要負責任。（晶晶父母有冇嚟香港傾婚事？）香港冇，喺北京我哋就有見過面傾過。」有傳晶晶來港住在她家，朱玲玲說：「唔係，我都好歡迎佢，不過佢冇需要住喺我度，就算係我都唔敢認，唔係又會有記者喺我屋企出面等。（晶晶喺唔喺香港？）都係唔好講。」

郭晶晶 （資料圖片）

放大圖片

隨時enjoy湊孫

朱玲玲只透露婚宴分別於香港和北京舉行，但她並不心急抱孫：「佢哋自己決定啦，我咩時候都會enjoy。（會幫手湊？）我都好鍾意小朋友，睇吓佢哋歡唔歡迎，我有三個仔，好樂意同佢哋分享我嘅經驗。」同場的Sally看着啟剛長大，當聽到啟剛結婚時嚇了一跳，並大讚二人很襯很sweet！

霍震霆、霍啟剛父子同心，對婚事不洩露半點風聲。	張嘉兒晒長腿，令人眼前一亮。	慧妍雅集一班港姐出席步行籌款活動。

另方面，霍震霆及霍啟剛昨日在迪士尼出席活動，被追問婚事時都三緘其口，霍震霆說：「年輕人嘅嘢年輕人答番。（準備咗禮物畀佢哋未？）多謝你哋提醒我，提我去買。」而霍啟剛亦甚為迴避，只說：「今日唔答私人嘢。」之後便急步衝上車離去。

文：名人組