娜姐拖7女有波齊享
嘩嘩嘩，「娜姐」周秀娜帶埋7大索模夜麻麻出動？仲陪你迎接歐國盃王者戰，唔係發夢，真係堅o架！「我和女神終極決賽約會@apm」7月2日凌晨於觀塘apm舉行，有靚女、有好波睇、仲有遊戲玩，一次滿足晒咁多個願望！
踩落觀塘apm商場睇波，出名熱鬧又有氣氛，勝在人氣夠，一班人「we we wa wa」一齊拍手、一齊噓，真係好鬼過癮。今次「我和女神終極決賽約會@apm」更加吸引大家眼球嘅原因，係有周秀娜同7個「歐國妹」陪埋你，開波前仲會大玩遊戲，近距離同「女神」接觸，諗起都心跳加速！
口才、急才都咁勁嘅林曉峰仲會擔任大會司儀，加埋MC Jin同你大唱Rap歌，靚女歌星陳僖儀大展歌喉，實在太……夢幻啦！
之前《東方日報》及《太陽報》搞咗個全城起哄嘅「歐國妹選舉」活動，我哋將會「醒」番啲「我和女神終極決賽約會@apm」嘅入場門券畀部分參加者，梗係啦，呢班fans咁識貨，透過「歐國波something」app為班索模打氣，咁鬼落力，當然要回饋大家，就等佢哋可以現場望真啲班索模有幾索、有幾青春無敵啦！唔使問，娜姐都會出埋嚟一齊全接觸。
最後提提大家，如果仲未download「歐國波something」 app，記得喺 i phone或Android下載呢個app，裏面有波又有靚女睇，好新奇o架！
我和女神終極決賽約會@apm
日期：2012年7月2日（星期一）
時間：凌晨1時30分至5時
地點：觀塘apm
司儀：林曉峰
出席嘉賓：周秀娜、七位歐國妹、MC Jin及Sita陳僖儀