容祖兒芳心似乎已落在劉浩龍（師兄）身上，身為祖兒前緋聞男友的陳方藤對此卻沒有太大感覺，他昨日接受電話訪問時被問到會否致電祖兒祝福？他說：「唔使喇，最緊要佢哋開心，其實我啱啱喺外國返嚟，都唔係好了解事件，唔方便講咁多，不過都替佢哋開心。」
問到覺得師兄如何？與祖兒是否匹配？他說：「見過一次面囉，正常人一個，不過我未睇過佢哋兩個一齊嘅相，唔知襯唔襯，其實我結咗婚喇，都唔關我事。」
至於盛傳年初力追祖兒的導演Heison適逢昨日牛一，對龍兒戀一於置身事外，據知他還與一班死黨到西貢喪玩忘憂。