羅仲謙扒龍舟 預咗畀人剝
無綫藝人羅仲謙、馬德鐘昨日落場扒龍舟，不過兩位大隻男堅持「護點」沒有騷肌肉，謙仔揚言預咗畀人剝衫，而馬德鐘笑言若贏出比賽，就掟同場的女士落水「慶祝」，黃智雯得悉「有難」時，大方說最緊要開心。
羅仲謙、馬德鐘、黃智雯及賈曉晨（JJ）等一班無綫劇《飛虎》演員，昨日在沙田參加龍舟競渡活動，當中謙仔、馬德鐘更與TVB龍舟隊齊齊出賽，最終排第六名。
着高領護點
「大隻仔」羅仲謙與馬德鐘被起哄除背心晒肌肉，不過二人卻拒絕「露點」，馬德鐘笑言：「唔知點解件衫咁高領，剝衫留番我哋宣傳活動先啦。」他指早在兩年前，曾為內地電視台出賽，但結果輸了，問今次贏了會否剝衫？他謂：「贏咗掟啲女仔落水囉！」至於謙仔則笑言不是包尾便滿足，問他會否剝衫助威？他笑言：「睇吓會唔會畀人除啦，自己剝就唔會喇。」
唔夠JJ胸大
另外，早前謙仔與JJ拍婚紗廣告，有指女方胸壓男方，昨日JJ一見到謙仔即「耍手」，當記者笑謙仔胸肌仲大過JJ時，謙仔謂：「唔敢當，應該賈小姐好啲，（驚畀人扭耳仔？）驚媽咪扭耳仔囉！」
至於黃智雯首次當鼓手，她表示以前都有學過打鼓，不過是JAZZ，對節奏感有信心的她，只怕夾住個鼓大髀會瘀，說到馬德鐘表示會掟女仔落水，智雯笑言不緊要，最緊要大家開心，但她不懂游水。
文：影視組