翠翠腳掌骨裂葉母痛哭
前港姐葉翠翠早前在橫店拍《金枝慾孽貳》時腳部受傷，昨日她坐輪椅提早返港，並獲父親接機。翠翠直言受傷後父母甚為擔心：「照咗X光兩次，證實右腳腳掌骨裂兩吋，要再睇醫生，阿媽知道即刻喊晒，爸爸又話想上嚟睇我。」受傷期間，翠翠不時在床上自拍放上微博，被朋友笑她晒床照，她笑言因傷令雙臂練得強壯，更可單腳企個半小時亦不覺累。
對於被指獲觀音兵韋家雄買東西照顧，她作出否認：「冇呀！只係普通朋友。（點解佢唔照顧你？）女仔唔好意思問。」提到另一緋聞男友高鈞賢早前亦傷腳，翠翠表示對方有介紹醫生給她：「我會問佢借拐杖，大家咁高咁大，同病相憐。」