李蘊再度發育誘宅男

雙十年華的李蘊將於書展推出第三本寫真集，繼疑似「失暈照」曝光後，另一輯獨家性感照亦告登場。身穿三點式泳衣的她，挺胸扭腰又趷籮，狂擺令人噴血甫士，「蜜桃成熟時」的身材令宅男一見嗒糖。問到李蘊是否得劉謙愛情滋潤，令身材變豐滿？她哈哈說：「梗係唔係啦，我係靠做運動同跑步o架，（跑步唔怕胸部下垂？）咁我又唔係好大嗰種，唔怕o架。」

噴血寫真益泥鯭

李蘊又說不會刻意送寫真集給劉謙，更不願跟對方相提並論，問二人是否分手？她說：「我同佢朋友啫，係唔係甩拖都好啦，過咗呢排先算，唔想畀人話我借佢個名做宣傳。（送畀另一緋聞男友，樂隊RubberBand成員泥鯭？）如果佢鍾意睇，我咪送囉。」

李蘊自認無對手，自信心爆棚。	內地o靚模陳小寶走可愛路線，其樣子與台灣歌手張韶涵十分相似。	放大圖片

提攜師妹陳小寶

至於同期推出寫真集的𡃁模有冬甩、Cammi（謝芷蕙）、Mia（陳靜儀）等，問她會視哪位為競爭對手？她自信謂：「冇喎！」不過她重點推介師妹兼內地𡃁模陳小寶（Kingboo）的寫真集，指對方眼大如洋娃娃，樣子可愛，現年23歲的陳小寶，擁有33C、23.5及34完美身材，據知她是唯一一位代表中國的美少女被邀參加日本FACo（福崗亞洲時裝騷），由於樣甜被封為「翻版張韶涵」，在寫真集中她主力sell kawaii一面。

文：音樂組