阿叻寸王晶港燦：唔怪得仲要撈
陳百祥（阿叻）前晚出席足球活動，對於早前王晶於微博上寸今屆候選港姐「水平糕」的言論，阿叻再次力撐一眾港姐靚女，更反寸王晶：「啲人上得大陸多變港燦，老友都咁話！」更指對方年紀大疑有白內障：「唔怪得仲要撈！」
阿叻早前大讚今屆候選港姐水準高，不過之後王晶在微博怒插一眾港姐「水、平、糕（水皮、平胸、糟糕）」。阿叻前晚與阿倫、任達華等出席《精工'82球迷會成立三十周年慶祝晚宴》時，即「戰鬥力」十足寸爆王晶：「啲人上得大陸多變港燦，老友都咁話！佢老細（指陳國強）買咗o架！叫佢唔好亂講嘢，幾十歲人唔收口，唔怪得佢仲要撈！」
可能年紀大白內障
阿叻繼續力撐一眾港姐：「今屆真係幾靚女，可能王晶年紀大白內障！」問到他似乎偏幫湯鎮宗女兒湯洛雯時，他即澄清不認識湯鎮宗：「佢（湯洛雯）樣樣都好平均，唔係個個計大嘅！」任達華亦自稱雖是局外人，但亦覺得湯洛雯不錯。而王晶至截稿前尚未回覆。
另外，阿倫自稱是精工1982球迷會會長，曾志偉則是1984球迷會會員。由於兩隊球隊經常一起踢足球，故1985年就組成「明星足球隊」。提到劉浩龍與容祖兒拍拖，阿倫謂：「佢成日嚟我哋度練波o架！早排見佢執鬚幾吸引，可能就係咁吸引到祖兒。（襯唔襯？）梗係OK。」
陳友難向兄弟交代
同場的陳友大呻幫不到朋友買阿倫及杜麗莎的演唱會門票，他說：「我周圍欠人債，點向啲兄弟交代？」身旁的阿倫即說：「我自己都cut咗五場飛呀！（開part2？）唔係話開就開，要入紙，如果政府有地方投資出嚟，全天候咁做都好，我公開同私底下都傾過，不過都係冇乜建樹。」
港姐大起底
爆料熱線：3600 1022
爆料傳真：3600 1000
爆料email： entertainment@opg.com.hk
文：影視組