女神滬片

林志玲

係佢一貫嘅女神Look，佢Carry得好好睇，大方得體，好穩陣。佢識得將啲頭髮放落嚟，成個感覺更舒服同年輕。

張栢芝 Roberto Cavalli

條裙前面好多釘石釘珠，做工好精緻，好似女神咁，合格。對栢芝嚟講條裙太鬆、同埋長咗少少。如果佢將啲頭髮放番落嚟、加番對耳環會更好睇，依家齋咗啲。

阿嬌

條裙個顏色同個款都好靚，但唔啱阿嬌個身高，令佢身形比例唔靚，如果佢條裙改為前短後長嘅Cutting會更Trendy，或者轉為迷你裙，一係就長到落地。

阿Sa

好型，好Trendy，好青春，着得好好睇，不過條裙就唔係咁啱用嚟行紅地氈，唔夠隆重。

張雨綺

高貴大方得體，條裙嘅顏色幾突出，啲Accessories都Match得好絕，成身都襯得好靚。

趙薇

條裙好靚，但佢着就長咗啲，如果短番兩吋就啱晒，依家令到佢個身形比例短咗。佢襯對黑色高踭鞋尚算合格，不過如果同啲Accessories一樣轉晒銀色或金色，會仲煞食同Sharp。

楊冪

着到好似結婚咁，無論係條裙、Accessories同埋髮型都唔靚，唔夠時代感，浪費咗個靚樣同好身材。最出事係個側側哋嘅頭箍，冇咗行紅地氈應有嘅明星風範。

Gucci黑髮輸蝕

藝人最忌撞衫，即使在不同場合撞衫亦難免會被比較，而今次出席上海電影節的霍思燕，就與國際超模Natasha Poly於康城影展時所穿的晚裝相同，均穿上Gucci的綠色開胸晚裝，陳嘉容說：「霍思燕着得娘娘哋，呢個綠色幾蝦人着，好似Natasha呢啲金髮美女着會好型，但襯黑色頭髮就會好老氣。呢個綠色應該襯金色嘅Accessories同鞋，霍思燕襯對黑色密頭鞋感覺好侷促。」

陳嘉容Profile

香港著名模特兒，曾為各大國際品牌行時裝騷，在時裝界打滾多年，無論在時裝方面的理論還是實戰都難不到她，近年更為電視時裝節目擔任主持，化身Stylist教人配襯衣着打扮。