吳日言 等開工箍仔陪玩
吳日言（Yan）得到男友支持，走出失業困境，最近簽約王維基公司，事業重新起步。日前趁未開新劇前，Yan做跟得女友陪男友出席朋友聚會，可能Yan為顧及形象，行街時拖手都唔敢。
歌手出身的Yan入行多年，事業發展一直多波折，早前更經歷被舊公司解約，慘成棄將的她飽嘗失業滋味，一度心灰到有意放棄在圈中發展，同時更傳出疑似情緒病復發。幸好Yan得到圈外男友從旁支持，特意安排旅行讓她喪玩喪食散心。旅行後未幾傳出好消息，她獲王維基公司賞識，正式簽約旗下，八月便會和林文龍、石修等拍新劇。
同戴帽現身
Yan趁開劇前的空檔，爭取時間黐實男友，一於見多幾面。日前晚上七時許，Yan陪男友出席朋友聚會，同戴帽子的兩人現身銅鑼灣街頭，男友和友人興致勃勃地雞啄唔斷，Yan識做地陪伴在側，不時加入一起討論。
唔敢拖手仔
未幾兩人撇甩友人，步行到附近行街睇衫享二人世界，沿途有傾有講。雖然兩人拍拖多時感情穩定，但礙於剛簽新公司，Yan為顧及形象，刻意忍住沒有和男友有親密舉動，莫講話咀嘴，甚至連拖手也不敢，只並肩而行，未幾便乘車離開，齊齊回家溫馨。
文、攝：追蹤組