江若琳玩笨豬跳揀老公

歌手江若琳（Elaine）於微博恭喜容祖兒的戀情，並祝對方幸福快樂，不少網友留言希望下一個到Elaine。愛心爆棚的Elaine昨日於荃灣出席校園活動，笑言將來結婚要生夠兩個：「我想生女先，因為可以幫佢扮靚！」問到老友杜汶澤復工，Elaine表示：「知道佢好番晒我都好開心！我都認同阿澤話今次好似喺鬼門關兜咗一個圈返嚟，更加要珍惜一切！（最想做啲咩？）好想玩笨豬跳，上次去澳門已經想玩，但經理人唔畀，好想知道跳嗰刻會諗起邊個，揀老公嗰時可以去玩吓！」