卓韻芝同阿婆爭老外
前DJ卓韻芝將於今年書展推出向天下母親們致敬新書，她找來自己的婆婆「友情客串」拍宣傳照，拍攝當日阿芝以「牛屎飛」造型現身，而婆婆則一身英女王打扮，婆婆不時扭阿芝耳仔又搣面珠，教訓阿芝不要認識巴黎男生，似是暗寸她早前搭上外國型男，場面非常搞笑。
事後阿芝透露婆婆現實中經常寸她，有時還語出驚人︰「婆婆之前禁止我識外國男仔，佢話如果我唔聽佢講，就會去學法文同我鍊過。」阿芝又指婆婆於拍攝現場把她的醜事外傳，令她感到非常尷尬︰「佢話我經常咬手指，仲有話我其他嘢，希望工作人員唔好宣揚開去。」