王璐瑤無愧 唔怕見謝天華

LuLu前日為處女寫真集試造型，穿上性感內衣大騷事業線！當她俯身擺甫士時還不慎離罩露出「缽仔糕」，她發現後即拉高胸罩，結果卻令「缽仔糕」從下露出，相當搞笑。她透露寫真集仍在拍攝中，而且造型比身上的內衣更激：「可能着皮bra，窩釘或者綑綁，有SM feel。」

恐短片流出

經過與謝天華及余文樂傳出緋聞後，LuLu謂想大家專注在她的工作上：「因為之前都發生咗唔開心嘅事。（指余文樂？）唔止，仲有謝生（天華）喺微博話我。（佢叫你慎言？）事緣係內地有啲失實嘅文章，有人將佢同我標記咗喺篇文度，但係佢就將矛頭直指向我，篇文都唔係我寫，而且咁耐以嚟我都冇提過件事（緋聞），但搞到個個都以為係我做，好無奈。不過樂觀啲睇，都有佢嘅粉絲私訊或者關注我，當幫手宣傳囉。」

王璐瑤露出缽仔糕，連忙整理。

謝天華在微博着王璐瑤要慎言。（資料圖片）

另外，提到有報道指她與余文樂有下文，她坦言：「唔否認同朋友交流係有用聲或者短片，但唔想講內容。（怕啲片流出？）都擔心。」

委屈眼紅紅

LuLu愈說愈委屈，眼紅紅續說：「香港真係透唔到氣，出街又畀人指點，好大壓力。」她透露已沒有再找樂仔，還表示若然在活動上見到天華和樂仔都不會尷尬，因對得住天地良心，不過就會對所有男藝人有所避忌，日後亦不會隨便留電話給人：「同男仔交往會好小心。（有陰影？）算係。」

文：名人組