鄭融搶先恭喜師兄
劉浩龍入行多年，緋聞一籮籮，但唯一承認拍過拖的只有鄭融一個，昨日傍晚有傳容祖兒將往錄音室錄音，吸引大批傳媒到場採訪，怎知卻等來劉浩龍舊愛鄭融，她大方表示已親自致電恭喜舊愛，並表示這是天大喜訊。
昨日劉浩龍親口承認和樂壇天后容祖兒拍拖，「龍兒戀」熱爆全城，傍晚時分傳出祖兒會在北角的錄音室錄音，大批記者聞風趕至，及至七點多，意外地發現劉浩龍舊愛鄭融由大廈步出。入行多年的劉浩龍曾和不少女星傳過緋聞，當中鄭融是他唯一承認拍過拖的女朋友，兩人分手後，劉浩龍大方地表示曾和鄭融拍拖4年。
走先「避」見祖兒
被大批傳媒包圍的鄭融，被問到知否劉浩龍承認和祖兒拍拖？她謂：「知！（幾時知？）今日囉。佢哋都係成年人，兩個人嘅事，佢哋開心就得啦！（知唔知祖兒會嚟錄音？）知呀。（所以你走先？）唔係，我錄完啦。」其後有記者追問鄭融當年因何事和劉浩龍分手？她不介意重提舊情，哈哈大笑說：「咁耐嘅嘢你哋仲問？總之我哋依家仲係好好嘅朋友。」
其實「龍兒戀」傳出不久，鄭融已搶先在微博送上祝福「恭喜啊！what a happy news！祝福你們幸福快樂！太高興了。」其後記者再致電她，鄭融透過公司回覆：「如果係真的話，就真心恭喜佢，天大嘅喜訊！」至於曾和劉浩龍打邊爐傳緋聞的文詠珊（JM），則透過公司表示：「JM未睇過有關報道，唔知道件事，如真嘅當然會祝福佢哋兩個。」
文、攝：追蹤組